Президент Дүниежүзілік ислам лигасының бас хатшысын қабылдады

Мемлекет басшысы Дүниежүзілік ислам лигасының бас хатшысы шейх Мұхаммед бен Абдулкарим Әл-Исаны қабылдады. Ол Астанаға әлемдік және дәстүрлі діндер көшбасшыларының VIII cъезіне қатысу үшін арнайы келген. Президент еліміздің діндер арасындағы диалогты дамыту бастамасына ұдайы қолдау көрсетіп, бейбітшілік пен келісім идеяларын насихаттауға елеулі үлес қосып келе жатқан ұйым басшысына ризашылығын білдірді. Әлемдегі конфессияаралық келісімді нығайтуға және ислам өркениетін кеңінен танытуға қосқан елеулі үлесі үшін Мұхаммед бен Абдулкарим Әл-Исаны I дәрежелі «Достық» орденімен марапаттады.