Онкоскринингтік зерттеулер ақысыз болады

Бұдан бұлай елімізде онкоскринингтік зерттеулер ақысыз болады. Үкімет тегін медициналық көмектің кепілдендірілген көлемі тізімін кеңейтті. Бұл халық арасында қатерлі ісіктің алдын алуға, сондай-ақ дертті ерте анықтауға мүмкіндік береді. Сонымен қатар, дер кезінде емдеу арқылы өлім-жітімді азайтуға септігін тигізеді. Жаңашылдық Үкіметтің қаулысымен бекітілді. Айта кетейік, міндетті әлеуметтік медициналық сақтандыру аясында профилактикалық тексерулер уәкілетті орган бекіткен кестелер мен қағидаларға сәйкес жүргізіледі.