Алматыда Қазақстан – Ресей медиафорумы өтті

Алматыда Қазақстан – Ресей екінші медиафорумы ұйымдастырылды. Екі елдің жетекші медиақұрылымдарының басшылары цифрлық трансформация дәуіріндегі дәстүрлі БАҚ-тың рөлі, ақпараттық әріптестік тетіктері, медиа саласында жасанды интеллектті пайдалану сияқты мәселелерді талқылады. Мемлекеттік кеңесші Ерлан Қарин БАҚ саласындағы ынтымақтастыққа тоқталып: «Әлемдегі түбегейлі өзгерістер жағдайында бізді ортақ мақсат жолында біріктіретін және алға бастайтын дүниелерді сақтап, әрі қарай дамытуымыз керек», - деді.