Президент: ЖИ бейбіт мақсатта ғана қолданылуы тиіс

Жасанды интеллект бейбіт мақсатта ғана қолданылуы тиіс. «Digital Bridge» форумында сөз сөйлеген Қасым-Жомарт Тоқаев осылай деді. Жаңа технологияны жауапкершілікпен қолдану өте маңызды. Қазақстан алдағы үш жылда толық цифрлық елге айналады. Басқаша айтқанда, еліміздегі қоғамдық өмір мүлдем өзге сипат алады. Технологиялық тұрғыдан анағұрлым заманауи болады, яғни ұлтымыздың менталитетіне оң әсерін тигізеді. Осылайша біз өркениетке батыл қадам жасаймыз. Сондықтан жасанды интеллектіні пайдалану үшін тиісті заңнамалық негіз қалыптастыру – аса өзекті міндет деді Президент.