Трамп: Шатдаун жалғасса, федералдық қызметкерлер жұмыстан шығарылуы мүмкін

АҚШ-та үкіметтің жұмысы қайта жалғаспайынша, адамдар жұмыстан қуылып, жобалар жабылуы мүмкін. Президент Дональд Трамп жергілікті телеарналардың біріне берген сұхбатында осыны ескертті. Дегенмен америкалықтардың шығындары тарифтерден түсетін жаңа кіріс арқылы өтелуі мүмкін деді. Трамптың айтуынша, жаңа баж салықтары әкелетін кіріс жылына 1 триллион долларға жетуі мүмкін. Оның жартысы мемлекеттік қарыздарды жабуға жұмсалмақ. АҚШ-та федералды үкімет жұмысын жартылай тоқтатты. Бұған -- Конгресс мүшелерінің мемлекеттік қызметті қаржыландыру туралы келісімге келе алмауы себеп болды.