Германияда дрондар 3 мыңдай жолаушыны жолынан қалдырды

Германияның Мюнхен қаласындағы әуежайда бірнеше ұшақ рейсі доғарылды. Соның салдарынан 3 мың жолаушы жолынан қалған. Тағы 15 ұшақ басқа қалаларға барып қонуға мәжбүр болды. Бұған себеп - терминалға жақын маңда ұшып жүрген белгісіз дрондар. Соңғы күндері Еуропа авиациясына белгісіз дрондар кедергі келтіріп жүр. Өткен аптада мұндай аппараттардың ұшуынан Дания мен Норвегия әуежайлары уақытша жабылған еді.