Президент Халықаралық электр байланысы одағының бас хатшысын қабылдады

Қазақстан OneWeb, Starlink, Amazon Kuiper және Shanghai Spacecom Satellite сатэлайт Technology сияқты төмен орбиталы жер серіктері жобаларына белсенді түрде қатысады. Мемлекет басшысы  Қасым-Жомарт Тоқаев Халықаралық электр байланысы одағының бас хатшысы Дорин Богдан-Мартинмен кездесуі кезінде осылай деді. Қабылдауда Қазақстан мен Халықаралық одақ арасында цифрлық және телекоммуникациялық технологиялар бағытындағы ынтымақтастық перспективасы талқыланды. Дорин Богдан-Мартин еліміздің цифрлық индустрияны дамытуға және жасанды интеллект технологияларын енгізуге бағытталған күш-жігеріне жоғары баға берді.