Израильге қару экспортына эмбарго жарияланды

Испания парламенті Израильге қару сатуға тыйым салатын заңды мақұлдады.Парламент депутаттары эмбаргоны 178 дауыспен қолдаған. Заң шығарушылар сонымен бірге әскери мақсатта қолданылуы мүмкін деген себеппен Израильге әуе отынын тасымалдауға тыйымды құптаған. Қыркүйекте Испания премьері Педро Санчес Израильдің Газадағы әскери науқанын тоқтату үшін қысымды арттырды. Атап айтқанда, қару тиеген Израиль кемелері мен ұшақтарына Испания порттарына және әуе кеңістігіне енуге шектеу қойды. Бұған қоса, израильдік қару-жарақ компаниясымен құны 700 млн еуро болатын келісімшарт күшін жойды.