Бангладеште денге безгегін жұқтырудың 50 мыңнан аса дерегі тіркелді

Бангладеште осы айда денге безгегін 50 мыңнан астам адам жұқтырған. 215 адам қайтыс болған. Ауруханалар науқастарға лық толы. Ем алып жатқандардың көбі – балалар. Дәрігерлердің айтуынша, безгектен балалар арасында өлім-жітім көбейген. Масалардан жұғатын аурудың өршуіне жаңбырлы маусым, жәндіктермен күрестің баяулауы әсер етсе керек. Тұрғындар бұған билікті айыптап отыр. Бұған қоса елде масалардан тарайтын тағы бір ауру – чикунгуньяның белең алуы да алаңдаушылық тудырды.