Венесуэлада алтын шахтасында 14 адам қаза тапты

Венесуэлада алтын шахтасы құлап, 14 адам қаза тапты. Оқиға елдің Эль-Кальяо ауданында болған. Кеніш опырылмас бұрын өңірде нөсер жауын жауып, шахтаны су басқан. Сол кезде кеншілердің кейбірі су толған тар туннельдерде қалып қойған. Қалғандары өз бетінше аман-есен жер бетіне шықты. Қазір оларға медициналық көмек көрсетіліп жатыр. Опырылған шахтадан суды шығару жұмыстары басталып кетті.