Екі ел атысты 48 сағатқа тоқтатуға келісті

Пәкістан мен Ауғанстан атысты 48 сағатқа тоқтату туралы келісімге келді. Осылайша, тараптар қақтығысты бейбіт жолмен реттемек. Өткен аптада басталған қарулы қақтығыстан екі жақтан да ондаған адам қаза тапты. Кабул мен Исламабад атысты бірінші болып бастады деп бірін-бірі айыптады. Бұл жағдайды одан әрі өршіткен. Пәкістан Ауғанстан астанасын әуеден шабуылдап, 4 зымыран жіберді. Исламабадтың мәлімдемесіне жүгінсек, «Талибан» Пәкістан аумағында талай рет қанды шабуылдар жасаған пәкістандық тәліптерге баспана беріп отыр. Кабул мұны мойындаған жоқ.