Президент Ұлттық қауіпсіздік комитетінің төрағасын қабылдады

Жыл басынан бері Ұлттық қауіпсіздік комитеті жемқорлар иемденіп кетпек болған 3 трлн 800 млрд теңгені бюджетке қайтарды. Мұндай статистиканы Президенттің қабылдауында болған комитет төрағасы Ермек Сағымбаев келтірді. Жалпы, ұлттық қауіпсіздік органдары экстремизм мен терроризмге қатысы бар 67 адамды ұстаған. Радикалдық ағымды ұстанатын 83 адам сотталды. Ішкі істер министрлігімен бірлесе қабылданған шаралар нәтижесінде 17 қылмыстық топ құрықталды. 96 адам қамауға алынды. Заңсыз айналымнан 453 қару, 64 граната, алты мыңға жуық оқ-дәрі тәркіленді. Кездесу соңында Президент ұлттық қауіпсіздік органдарының қызметіне қатысты бірқатар тапсырма берді.