Президент АҚШ президентінің арнайы өкілімен және мемлекеттік хатшысының орынбасарымен кездесті

Мемлекет басшысы АҚШ Президентінің Оңтүстік және Орталық Азия бойынша арнайы өкілі Серджио Гормен және АҚШ Мемлекеттік хатшысының бірінші орынбасары Кристофер Ландаумен кездесті. Тараптар Вашингтонда өтетін С5+1 саммиті қарсаңында қазақ–америка стратегиялық серіктестігін дамыту перспективасын талқылады. Президент Қазақстан АҚШ-пен сауда-экономикалық және инвестициялық серіктестікке тың серпін беруге мүдделі екенін айтты. Серджио Гор Қасым-Жомарт Тоқаевқа Америка Президентінің сәлемін жеткізді. Ол АҚШ сыртқы саясатындағы Орталық Азия өңірінің стратегиялық маңызын растады.