Президент АҚШ президентінің арнайы өкілімен және АҚШ мемлекеттік хатшысының орынбасарымен кездесті

Мемлекет басшысы мәртебелі меймандарды Ақордада қарсы алған соң, олармен кездесу өтікізді. Тараптар Вашингтонда өтетін С5+1 саммиті қарсаңында қазақ-америка стратегиялық серіктестігін дамыту перспективасын талқылады. Президент Қазақстан АҚШ-пен сауда-экономикалық және инвестициялық серіктестікке тың серпін беруге мүдделі екенін айтты. Серджио Гор Қасым-Жомарт Тоқаевқа Америка президентінің сәлемін жеткізді. Ол АҚШ сыртқы саясатындағы Орталық Азия өңірінің стратегиялық маңызын растады.