Мемлекет басшысы үстел теннисінен ҚР Президентінің ашық кубогына барды

Қасым-Жомарт Тоқаев үстел теннисінен Президент Кубогының негізгі шараларының бірі әлемдік жұлдыздардың қатысуымен өтіп жатқан шоу-матчты тамашалады. Алғаш рет өткен турнирге әлемнің 14 елінен 300-ден аса спортшы қатысып жатыр. Олардың арасында ITTF рейтингісі бойынша ең үздік 100 теннисшінің қатарына енген ойыншылар мен Қазақстанның танымал спортшылары бар. Президент Олимпиада чемпионы Сюй Синь, Әлем чемпионы және Олимпиада ойындарының жүлдегері Шлагер Вернер, Әлем чемпиондары Фан Бо және Чу Се Хёк сияқты үстел теннисінің майталмандарымен әңгімелесті.