Ямайкада «Мелисса» дауылынан кейін тұрғындардың 70 пайызы жарықсыз отыр

Ямайка сұрапыл «Мелисса» дауылынан айыға алмай отыр. Табиғи апат аралдық мемлекеттің инфрақұрылымына айтарлықтай зақым келтірген. Тұрғындардың 70 пайызы әлі жарықсыз отыр. Электр бағаналары құлап, 130-дан астам жолды басып қалған. Кей өңірлерде су жоқ. Әуежай қайта жұмыс істей бастады. Осы арқылы елге сырттан көмек жеткізіліп жатыр. Порттар да бүгін ашылады. Ямайкаға «Мелиссадан» келген шығын 22 млрд долларға жеткен. Ал дауылдан қираған аудандарды қайта қалпына келтіру, ғимараттарды жөндеу жұмыстары ондаған жылдарға созылуы мүмкін.