Израиль әуе күштері 25 адамды мерт қылды

Израиль әуе күштері Газа секторына соққы беріп, 25 адамды мерт қылды. Шабуылдан Зейтун ауданындағы бір ғимарат қирап, 10 тұрғын қаза тапқан. Құрбандардың ішінде бір әйел мен қыз бала бар. Израиль армиясы өз жауынгерлеріне оқ жаудырған «хамастық» қарулы топты нысанаға алғанын айтады. «Хамас» болса, Израиль сарбаздарына қауіп төндірмегенін мәлімдеп отыр. Айта кетсек, Газадағы атысты тоқтату режимі қазанның 10-да күшіне енді. Бірақ сол келісім бірнеше рет бұзылып, Израильдің әскери операцияларынан палестиналық анклавта бүгінге дейін 300 адам мерт болған.