Таиландтағы тасқыннан 2,7 млн адам зардап шекті

Таиландта алапат су тасқынымен күрес жалғасып жатыр. Соңғы мәліметке қарағанда, қаза тапқандар саны 33-ке жеткен. Тағы 2,7 миллиондай тұрғын зардап шекті. Әсіресе Хатьяй қаласындағы жағдай қиын. Мұнда бір күнде 355 миллиметр жауын түскен. Бұл – кейінгі 300 жылдағы ең жоғары көрсеткіш. Жергілікті халықты құтқаруға 20 тікұшақ пен 200-дей қайық жіберілді.

Қазір Таиландтың тоғыз провинциясы мен Малайзияның сегіз штаты су апатынан зардап шегіп отыр. Екі елде 45 мыңға жуық адам эвакуацияланған. Ал Индонезияда тасқын мен лай көшкінінен осы аптада 13, Вьетнамда 98 адам опат болды.