БҰҰ Бас хатшысын сайлау ресми түрде басталды

Біріккен Ұлттар Ұйымының жаңа бас хатшысын таңдау процесі ресми түрде басталды. Халықаралық органға мүше елдер қорытындысын 2027 жылы қаңтардың 1-де жариялауы тиіс. Бұл туралы хатты 15 мемлекеттен тұратын Қауіпсіздік кеңесі мен 193 ел кіретін Бас ассамблея әзірледі.

Қазір дүниежүзілік ұйымды Антониу Гутерриш басқарып отыр. Ал оның орнына кандидат ретінде жарияланған есімдер қатарында Чилидің экс-президенті Мишель Бачелет, Коста-Риканың бұрынғы  вице-президенті Ребека Гринспан және аргентиналық дипломат Рафаэль Гросси бар.

Дегенмен болашақ үміткер Қауіпсіздік кеңесіндегі вето құқығына ие бес ел, яғни АҚШ, Ресей, Ұлыбритания, Қытай және Франция келіскенде ғана аталған постқа сайлана алады.