Украина Ресейдің екі танкерін дронмен жарып жіберді

Украина дрондары Қара теңізде Ресейдің «көлеңкелі флотының» екі танкеріне соққы берді. Әзірге зардап шеккен адамдар туралы ақпарат түскен жоқ.

Түрік үкіметінің мәлімдеуінше, халықаралық санкцияға іліккен «Кайрос» және «Вират» атты мұнай тасымалдаушылар Түркияның экономикалық аймағында шабуылға ұшыраған. Осыған байланысты ресми Анкара Киевті айыптап, Украинадағы соғыстың Қара теңіздің өзге бөліктеріне таралуына жол бермеу үшін «тиісті органдармен» келіссөз жүргізіп жатқанын хабарлады.

Айта кетсек, Украина армиясы бұған дейін де ресейлік кемелерді қиратты. Операциялар негізінен Қара теңіздің солтүстігінде жүргізілген.