Гонконг әкімі құрылыс саласын реформалауға шақырды

Гонконг басшысы Джон Ли бүгін мәлімдеме жасап, өртке енді жол бермеу үшін құрылыс саласын жүйелі түрде реформалауға шақырды. Жергілікті үкіметтің өткен аптада болған қайғылы жағдайға байланысты тәуелсіз тергеу жүргізетінін мәлімдеді. Лидің дерегінше, алапат өрт үшін 25 адам тұтқындалған.

Айта кетсек, 26 қарашада Гонконгта жеті мұнарадан тұратын тұрғын үй кешені жанып, 151 адам қаза тауып, 30-ы жоғалып кетті. Тергеудің алғашқы қорытындысы көрсеткендей, ғимараттар құрылысында  тордың 20 түрі қолданылып, солардың 7-і қауіпсіздік стандарттарына сай болмай шыққан.