Шри-Ланкада лай көшкінінің құрбаны 410-ға жетті

Шри-Ланкада алапат тасқын мен лай көшкіні құрбандарының саны 410-ға жетті. Тағы 336 адам жоғалып кеткен. Қазір аралдық елде құтқару операциялары жалғасып жатыр. Оған армия жауынгерлері де тартылған. Шри-Ланкаға жауындатқан «Дитвах» циклоны қарашаның 28-інде соққы беріп, талай елді мекенді топан су басты. Жергілікті үкімет шетелден келетін гуманитарлық көмекті қабылдауды жеңілдету үшін кедендік салықты алып тастады. Ел президентінің мәлімдеуінше, Шри-Шанка өз тарихында алғаш рет тұтастай су апатына душар болып отыр. Тағы бір айта кететін жайт, Индонезияда дәл осындай тасқыннан 753 адам қаза тапқан.