Азияның оңтүстігі мен шығысында жаңбыр көбейеді

Соңғы күндері Оңтүстік және Оңтүстік-Шығыс Азияда талай адамның өмірін қиған тропикалық дауылдар алдағы уақытта да жиі қайталанбақ. Себебі жаһандық климат өзгеріп жатыр. Мұны Женевада өткен баспасөз конференциясында Дүниежүзілік метеорология ұйымының өкілдері мәлімдеді. Олардың сөзінше, температураның көтерілуі жауын-шашындарды көбейтеді. Өйткені жылы атмосфера ылғалды молырақ ұстайды екен.

Естеріңізге сала кетсек, өткен аптада Индонезияда, Таиландта, Малайзияда, Шри-Ланкада төпелеп жауған жаңбыр тасқын мен лай көшкініне ұласып, 1300-ден астам адам қаза тауып, мыңшақты тұрғын жоғалып кетті.