Украинада соғыс басталғаннан бері халық саны 6 млн-ға азайды

Украинада 2022 жылы соғыс басталғалы халық саны 42 млн-дан 36 млн-ға дейін азайып кеткен. Тұрғындардың 31 миллионы ғана ел әскерінің бақылауындағы жерлерде тұрады. Мұны «Рейтер» агенттігі хабарлады. Ал кейбір сарапшылардың болжамынша, украиналықтардың қатары 2050 жылы 25 миллионға дейін кемуі мүмкін. Демографтардың пікірінше, мұндай жағдайдың қалыптасуына кейінгі төрт жылда қарулы қақтығыстардан жүздеген мың адамның қаза табуы, миллиондаған азаматтың шетелге қоныс аударуы, туу көрсеткіштерінің төмендеуі себеп.