Ауғанстан-Пәкістан шекарасында атыс болды

Пәкістан мен Ауғанстан шекарасында тағы да атыс болды. Екі жақта ымыраны бұзды деп бірін-бірі айыптап отыр. Қақтығыс басталғанда ауғанның Спин Болдак қаласының тұрғындары үйлерін тастап кеткен.
BBC хабарлағандай, Қандағар ауруханасына төрт, ал Пәкістанда үш адам жеткізілген.
Шекарада соңғы айларда қарулы жанжалдар бірнеше рет қайталанды. Ресми Исламабадтың мәлімдеуінше, ауған тәліптері Пәкістанда үкіметке қарсы шабуыл жасаған содырларды қолдап отыр. Кабул мұны жоққа шығарып келеді.