Қазақстанда саяси билік институттары жетілдіріліп жатыр

«Конституцияның басты міндеті – ел азаматтарының құқықтарын қорғау екенін түсіну аса маңызды. Бұл қағида ескеріліп отырғанына сенімдімін». Қазақстандағы жаңа Конституция жобасына қатысты АҚШ елшісі Джули М. Стаффт осылай дейді. Ол БАҚ өкілдерімен кездесу кезінде бұл үдерістерді жіті бақылап отырғанын жеткізді.

Джули М. Стаффт, Қазақстандағы АҚШ-тың Төтенше және өкілетті елшісі

Біз бұл үдерісті мұқият бақылап отырмыз. Бұл – ауқымды әрі батыл реформалар пакеті. Өзгерістер қарқынды жүзеге асырылуда. Президент Қасым-Жомарт Тоқаевпен кездесуде де осы мәселені қозғадық. Меніңше, Конституцияның басты міндеті – ел азаматтарының құқықтарын қорғау екенін түсіну аса маңызды. Конституцияның мәні де осы. Бұл қағида ескеріліп отырғанына сенімдімін, дегенмен біз бұл өзгерістерді бақылауды жалғастыра береміз.