Сайлау – саяси дамудың жаңа кезеңі

Құрылтай депутаттарын сайлау – жаңа Конституция нормаларының іс жүзінде алғаш рет жүзеге асуы болмақ. Сарапшылардың пікірінше, бұл науқан елдің қоғамдық-саяси өміріне жаңа серпін әкеледі және заң шығарушы органның рөлін күшейтуге мүмкіндік береді.

Әли Нуреддин, NBC басылымының саяси шолушысы:

Құрылтайда жеті партия арасындағы бәсекелестік күшейіп, саяси алаңдағы пікір алуандығы арта түседі. Мұндай бәсеке заң шығарушы органның жұмысын жандандырып, саяси үдерістердің жаңаруына жол ашады. Ал бұл – Қазақстандағы демократиялық қоғамның дамуы үшін маңызды қадам деп есептеймін.