Испанияда 37 000 гектар орман алқабы өртеніп кетті

Испанияда орман өртімен күрес жалғасып жатыр. Соңғы мәліметке қарағанда, лапылдаған жалын 37 мың гектар жасыл желекті күлге айналдырған. Осы елдің оңтүстік-батысындағы Севилье және Уэльва провинцияларының кейбір бөліктерінде тұрғындарға тілсіз жаудан орасан қауіп төніп тұр. Сондықтан жергілікті халық алдын ала көшіріліп жатыр.

Испания азаматтық қорғаныс қызметінің мәлімдеуінше, Уэска аймағында орманға әдейі от қойды деген күдікпен бір адам қамауға алынды. Ал синоптиктер ауаның температурасы 40 градусқа дейін көтеріліп, өрттің тіпті күшеюі мүмкін екенін хабарлады.