Жүргізуші куәлігіне тапсыратын емтиханды тек мемлекеттік ұйымдар қабылдайды

Жүргізуші куәлігіне тапсыратын емтиханды тек мемлекеттік ұйымдар қабылдайды. Әлеуметтік желілерде жекеменшік автомектептерде де емтихан тапсыруға болады деп тараған ақпарат жалған. Бұл туралы Ішкі істер министрлігі мәлімдеді. Теориялық және практикалық емтихандар дәл бұрынғыша «Азаматтарға арналған үкімет» мемлекеттік корпорациясының мамандандырылған халыққа қызмет көрсету орталықтарында жүргізіледі. Министрлік жүргізуші куәлігін беру тәртібіне қатысты барлық өзгеріс ресми түрде жарияланатынын айтты. Сондықтан азаматтарды тек ресми ақпарат көздеріне сүйенуге шақырды.