Елімізде алимент төлемей жүргендердің қарызы 18 млрд теңгеден асқан
25 тамыздан бастап алимент арнайы банк шотына аударылады. Мақсат – алиментке арналған ақшаның тек алимент алушы балаға немесе еңбекке қабілетсіз адамға жұмсалуына ықпалдасу. Әділет министрлігі арнайы шоттың болмауы алимент төлеушіні міндетінен босатпайтынын ескертті. Алайда алимент алушы арнайы шотты ұсынғанға дейін өндірілген қаражатты аудару мүмкін болмайды.
Бұл тақырыпты неге алдық? Білесіз бе, бізде алимент қарызы 18 млрд теңгеден асқан. Қасарысып төлемейтіндер де, қалай болатынын әу баста ойламай, енді басы қатып жүргендер де бар. Және алиментті төлемейтін негізінен ер кісілер екені белгілі. Себебі балалар көп жағдайда анасымен қалады.
Мәселенің екінші қыры – баланы отбасынан кеткен ата-анаға қарсы қою әрекеті. Бұл да қоғамда бар мәселе. Әрине, ажырасу себептері әртүрлі. Біріктіріп, бір ракурстан қарауға болмайды. Бірақ түптеп келгенде, таразы басын жауапкершілік пен бала саулығын ойлаудан гөрі реніш пен ашудың шырмауынан шыға алмау, кектену басып кететін сияқты. Алайда қайталап айтамыз және білеміз – ажырасу фактілері «мінезіміз үйлеспеді» деген кеңестік кезекші жауапқа сыймайды әрі зорлықшыл күйеуінен зорға құтылған әйелдер аз емес. Құтылмағандар мен құтыла алмай отырғандар туралы әңгіме тіпті терең...
Сондай-ақ оқыңыз
Барлығы
