Алматыда 300-ге жуық самокат арнайы тұраққа қойылды

Алматы көшелерінде самокат пен мопед жүргізушілеріне бақылау күшейтілді. Демалыс күндері өткен рейд барысында 300-ге жуық самокат арнайы тұраққа қойылды.

Осылайша, полиция жол ережесін бұзған жүргізушілерді анықтап, қауіпті жағдайлардың алдын алуға басымдық беріп отыр. Бір ғана Жетісу ауданында жол қозғалысы ережесін бұзған 152 дерек анықталған. Оның ішінде көлікті пайдалану және жолаушы тасымалдау талаптарын бұзу фактілері де бар. Полицияның айтуынша, мұндай рейдтердің басты мақсаты – жол-көлік оқиғаларына әкелуі мүмкін заң бұзушылықтарды алдын алу. Бақылау жұмыстары алдағы уақытта да тұрақты түрде жалғаспақ. Әсіресе, көлік қозғалысы көп және жол апаты жиі болатын жол учаскелеріне ерекше назар аударылады.