ДСМ: Мектеп оқушысы ұйқы режимін сақтауы керек

Жаңа оқу жылы қарсаңында Денсаулық сақтау министрлігі ата-аналарға балалардың ұйқы режимін алдын ала қалыпқа келтіруге кеңес берді. 6-12 жастағы оқушылар тәулігіне 9-12 сағат, ал 13-18 жастағы жасөспірімдер 8-10 сағат тынығуы керек. Бірінші сынып оқушыларына қажет болған жағдайда күндіз екі сағатқа дейін демалуға болады. Мамандардың сөзінше, жазғы режимнен мектеп тәртібіне біртіндеп көшкен дұрыс. Баланың күн сайын бір уақытта ұйықтап, оянғаны маңызды. Сондай-ақ ұйықтар алдында гаджетті шектеп, бөлмені желдетуге кеңес береді.