Италиядағы музейден 15 ғасыр картиналары ұрланды

Италияда 15-ші ғасыр суретшісі Антонелло да Мессинаның төрт бірдей картинасы ұрланды. Елдің мәдениет министрлігінің мәлімдеуінше, құнды жәдігерлер Сицилияның Мессина қаласының аймақтық музейінен қолды болған.

Осылайша мұражай қайта өрлеу дәуірінде өмір сүрген қылқалам шеберінің азғантай ғана сақталған туындыларының бір бөлігінен айрылып отыр. Мамандардың сөзінше, суреттер тақтайға салынған. Сондықтан оларды орап немесе бүктеп әкету мүмкін емес.

Жергілікті ақпарат құралдарының хабарлауынша, ұрылар музейге сенбінің кешінде түскен. Қазір тергеу жүріп жатыр.