Білімді ұлт – ел болашағының негізі

«Келешек мектептері» еліміздің білім саласындағы ең ауқымды жобалардың бірі. Президент бастамасымен республика аумағында 200-ден астам заманауи мектеп салынып, 460 мың оқушы бүгінде білім алып жатыр.

Елдің болашағы – білімді, бәсекеге қабілетті ұрпақтың қолында. Бүгінде білім саласы түрлі реформалар мен трансформациядан өтіп, мектептердің оқу бағдарламасы заман талабына сай жаңғырды. Яғни, цифрландыру, жасанды интеллект пен заманауи технологиялар дәуірінде мұғалім оқушыға сапалы білім беретін кәсіби білікті маман болуы тиіс.  Сонымен қатар, елімізде «Педагог мәртебесі» туралы Заң қабылданып, ұстаздардың қоғам алдындағы беделі арта түсті.  

Бақытжан Жақсылық, «Тәрбие, спорт және қосымша білім беру» орталығының бөлім басшысы:

«Әділетті қоғамға – шыншыл сөз» бұл Қ-Ж.Тоқаевтың 30 жылдан астам уақыттағы ой-толғамдарының жинақ басылымы. Бұл еңбекте мемлекет басшысының «Елдің ертеңі мұғалімдерге тікелей байланысты» деген сөзі бар.Мұғалімдердің ұстаздардың қоғам алдындағы беделі, олардың кәсіби дамуы ешқашан назардан тыс қалмаған.