Бейнебақылау камераларындағы жазбалар кемінде 30 күн сақталады

Қазақстанда бейнебақылау камераларындағы жазбалар кемінде 30 күн сақталады. 1 қыркүйектен бастап елде бейнебақылау жүйелеріне арналған алғашқы ұлттық стандарт күшіне енеді. Соған сәйкес, оған қойылатын талаптар күшейтіледі. Жаңа ереже бойынша камералар үздіксіз жұмыс істеп, түсірілген бейнежазбалар кемінде 30 күн сақталуы тиіс. Камералардың сапасына, орналасуына және сыртқы төзімділігіне де нақты талап қойылады.