Қайтарылған активтер есебінен Қостанайда университет корпусы жаңартылды

Арқалық қаласында бірнеше жыл қаңырап бос тұрған ғимарат жаңартылып, университет корпусына айналды. Мемлекетке қайтарылған активтер есебінен жүзеге асқан жобаның жалпы құны 1,9 миллиард теңге. Заманауи білім ордасында 2,5 мыңға жуық студент оқиды. Ол үшін оқытушылар мен білім алушыларға барлық жағдай жасалған. Жалпы облыста заңсыз активтерді мемлекетке қайтару нәтижесінде 25 әлеуметтік маңызы бар жоба жүзеге асқан.