Трамп Оманды бомбалайтынын ескертті

Президент Дональд АҚШ-тың одақтасы Оманды да бомбалайтынын ескертті. Ол мұндай қадамға осы ел Вашингтон мен Тегеран жүргізіп жатқан келіссөздерге кедергі жасаған жағдайда бармақ. Мұны Американың Fox News телекомпаниясы хабарлады.

Айта кетсек, Оман мен Құрама Штаттар әлем мұнайының жиырма пайызы өтетін Ормұз бұғазын қайта ашу жөніндегі келіссөздерді Иранмен жеке-жеке жүргізіп жатыр. Тегеранның мәлімдеуінше, Оман мен Иран келісім жасауға жақын. Ал АҚШ пен Иран арасындағы диалогтың болашағы әзірге белгісіз болып тұр.

Бұған дейін Вашингтон мен Тегеран өзара түсіністік туралы 60 күндік меморандумға қол қойғаны белгілі. Алайда Трамп журналистерге берген сұхбатында атысты тоқтату туралы сол мәміленің мерзімін әрі қарай ұзартпайтынын жариялады.