Сайлауға шетелдегі отандастар белсене қатыспақ

23 тамызда өтетін сайлауға шетелде уақытша тұрып жатқан отандастарымыз да белсене қатыспақ. Ресейде бес сайлау учаскесінде таңғы жетіден бастап дауыс беруге болады. Ол үшін төлқұжат немесе жеке куәлікті көрсету қажет. Ерекше қажеттілігі бар азаматтар үшін де арнайы жағдай жасалмақ. Ресейдің Дипломатиялық академиясында білім алып жатқан Адина Төлебаева да сайлауды жіті бақылап, өз таңдауын жасауға ниетті.

Адина Төлебаева, магистрант:

Жаңа бір палаталы Құрылтай парламентіне сайлауға қатысуға бел будым. Алдағы 23 тамызда өтетін оқиға, менің ойымша еліміз үшін тарихи мәнге ие. Оның нәтижесі қазақ халқының жоғары бірлігін көрсетеді.