Логистикалық компанияға ₸262 млн 600 мың айыппұл салынды

Жетісу облысында ірі логистикалық компанияға 262 млн 600 мың теңге айыппұл салынды. Бұған компанияның шетелден түсуі тиіс қаржыны Қазақстанға уақытында қайтармауы себеп болған. Бастапқыда Панфилов аудандық соты кәсіпкерге 206 млн 900 мың теңге айыппұл тағайындаған. Алайда прокуратура бұл шешіммен келіспей, апелляциялық өтінішхат жолдаған. Осылайша сот айыппұл көлемін тағы 55 млн 700 мың теңгеге көбейтті.

Бір ай мерзімнің ішінде төлемесе, онда сот атқару құжаттарын мәжбүрлі түрде орындау үшін сот орындаушыға жібереді. Бүгінгі күнгі мәлімет бойынша салынған айыппұлдың сомасы түгелдей төленді. Бюджетке түсті.