Үндістанның екі штатын су басып, жүздеген мың адам үйлерін тастап кетті

Үндістаннның Одиша және Ассам штаттарында төпелеп жауған жаңбыр соңы үлкен тасқынға ұласты. Соңғы мәліметке қарағанда, жүздеген мың адам үйлерін тастап кеткен. Көшелер өзенге айналып, кейбір елді мекендерде жергілікті тұрғындарды қайықтармен эвакуациялауға тура келді. Және де талай жол мен көпір, егістік алқаптары мен фермалар су астында қалып, кейбір тұрғындар жалғыз ғана табыс көзінен айрылды. Дегенмен, әзірге құрбандар туралы мәлімет түскен жоқ.

Айта кетсек, өткен айда Ассамда су апатынан 600 мыңдай адам зардап шегіп, мыңдаған үндістандық дүние-мүлкін жоғалтқан.