1,1 трлн теңгеден астам актив елге қайтарылды

Қазақстанға 1,1 трлн теңгеден астам актив қайтарылды. Бұл Президент Қасым-Жомарт Тоқаевтың тапсырмаларын орындау аясында Үкімет пен Бас прокуратураның бірлескен жұмысының нәтижесі. Қайтарылған қаражат Арнаулы мемлекеттік қор арқылы әлеуметтік мәселелерді шешуге бағытталуда. Бүгінде еліміздің барлық өңірінде жалпы сомасы 617 млрд теңгеден асатын 500-ден астам жобаны қаржыландыру мақұлданды.

Жайнагүл Дүйсебекова, Арқалық педагогикалық университетінің проректоры:

Биыл Ы. Алтынсарин атындағы Арқалық педагогикалық университетінің игілігіне Мемлекеттің басшылығы және Үкіметтің қолдауымен қайтарылған активтерден жалпы көлемі 6,6 мың шаршы метрлік жаңа ғимарат беріліп отыр. Бұл біз үшін жай ғимарат емес, бұл біздің жастарымыздың сапалы білім алуына деген жаңа мүмкіндік деп ойлаймыз.