6 мың тәуелсіз байқаушы дайындықтан өтті

Алматыда 23 тамызда өтетін Құрылтай сайлауына 6 мыңға жуық тәуелсіз байқаушы даярлықтан өтті. Олар төрт апта бойы қаланың екі жоғары оқу орнында оқыған. Байқаушыларға дауыс беру барысын қадағалау, заң бұзушылықтарды дұрыс тіркеу, фото және бейнетүсірілім жүргізу, сондай-ақ сайлау комиссиясымен өзара жұмыс істеу тәртібі түсіндірілген. Дайындық барысында цифрлық технологиялар, жасанды интеллект құралдары және фактчекингке де ерекше мән берілген. Ұйымдастырушылар Алматыдағы барлық сайлау учаскесінде тұрақты тәуелсіз байқаушылар болуын жоспарлап отыр.