27 мың талапкер тамыз ҰБТ-сын тапсырды

Тамыз айындағы Ұлттық бірыңғай тестілеуге 27 мыңдай талапкер қатысты. Олардың 53 пайызы шекті балды жинады. Бұл туралы Ғылым және жоғары білім министрлігі хабарлады. Бес пән бойынша орташа көрсеткіш 55 балл болса, ең жоғары нәтиже 136 баллды құрады. Тестілеуге ерекше білім беру қажеттіліктері бар 98 талапкер қатысқан. 30 талапкерден смартфон, шпаргалка және басқа да тыйым салынған заттар табылса, ереже бұзған 36 адам аудиториядан шығарылған.