Қытай қайта қонатын зымыранды сынады

Қытайдың LandSpace стартапы ракетаны ұшырып, оны платформаға  қайта қондырды. Осылайша ғарыштық кәсіпорын Американың SpaceX және Blue Origin компанияларының қатарына қосылып отыр және де осы жетістік нәтижесінде Қытай көпқолданбалы зымыран саласында АҚШ-ты қуып жетуге сәл қалды.

Кейбір сарапшылардың ойынша, бір ракетаны бірнеше рет пайдалану келешекте ғарышқа жерсеріктер ұшыру шығынын азайтып, космосты игеруді азаматтық авиация тәрізді өміршең бизнеске айналдыруға үлес қосуы мүмкін.

LandSpace бұл зымыранды 20 рет қолдануды жоспарлап отыр. Салыстырып көрсек, SpaceX компаниясы Фалкон 9 ракетасын жылына 150 рет ұшырады екен.