Қалдықтарды энергетикалық кәдеге жарататын зауыт салынбақ

Алматыда қалдықтарды энергетикалық кәдеге жарататын зауыт құрылысы басталмақ. Бүгін Премьер-министр Олжас Бектенов қытайлық компания басшысы Дай Даогомен жобаны жүзеге асыру барысын талқылады. 145 млрд теңге инвестиция құйылған жоба іске асырылса, тәулігіне 2 мың тонна қалдық өңдеп, 60 МВт энергия өндіре алады. Нәтижесінде жыл сайын қоқыс полигонының шамамен 800 мың текше метр жері босатылады. Айта кетейік, жаңа Конституцияда экологиялық мәдениет қалыптастырып, қоршаған ортаны қорғау мемлекеттің негізгі қағидаты ретінде бекітілген.