Сайлау комиссиясының мүшелері жүйелі түрде оқытылып жатыр

Құрылтай сайлауы комиссиясы мүшелері жүйелі түрде оқытылып жатыр. Бұл туралы ТМД байқаушылар миссиясы хабарлады. Ұйымның мәліметінше, оқытудың үш кезеңді моделі құрылған. Орталық сайлау комиссиясы алдымен тұрақты жұмыс істейтін комиссия мүшелерін қашықтан оқытқан. Екінші кезеңде сол мамандар учаскелік комиссиялардың 31 мыңнан астам төрағаларын, төраға орынбасарларын және хатшыларын оқытса, үшінші кезеңде учаскелік сайлау комиссияларының басшылары комиссия мүшелеріне үйретеді. Оқыту тек теориямен шектелмеген, түрлі семинар-кеңестер өткізіліп жатыр. Сондай-ақ комиссия мүшелерінің сайлау күні атқаратын жұмыстары туралы жеке фильм дайындалған.