Сайлау күні полиция күшейтілген режимде жұмыс істейді

Құрылтай сайлауы күні полиция күшейтілген жұмыс тәртібіне көшеді. Ішкі істер министрлігінің мәліметінше, барлық сайлау учаскесі күзет бақылауында болады. Ал көшелер мен қоғамдық орындардағы тәртіп тәулік бойы бейнебақылау камералары арқылы қадағаланады. Бүгінде әкімдіктер мен мемлекеттік органдар бірлесіп, арнайы штабтар құрған. Олар жағдайды бақылап, қызметтердің өзара іс-қимылын үйлестіреді. Сонымен қатар Ішкі істер министрлігі азаматтарға сайлау күні жалған ақпарат пен арандатушылық сипаттағы материалдарды тарату заңға қайшы екенін ескертеді