Су тасқыны кезінде 10 адам қаза тапты

Қытайдың оңтүстік-батысында нөсер жауын соңы алапат тасқынға ұласты. Соңғы мәліметке қарағанда, одан үйлер құлап, лай көшіп, 10 адам қаза тапқан. Мұны осы елдің «CCTV» телеарнасы хабарлап отыр. Ал Қытайдың Апаттардың алдын алу басқармасының дерегінше, Чжэнду және Цзэгун тәрізді аудандарда 21784  тұрғын эвакуацияланған.

Опат болғандардың бесеуі – Сычуан провинциясының тұрғындары. Қалғандары – Гуансиде құрылыс нысаны құлағанда мерт болған жұмысшылар. Сонымен қатар Сычуанда 17 адам жараланып, госпитальге жеткізілген.