Басты Жаңалықтар Әділетті қоғамның негізі – азаматтық жауапкершілік

Әділетті қоғамның негізі – азаматтық жауапкершілік

19.08.2026 17:10

Әділетті қоғам қалыптастыру, заң мен тәртіпті сақтау, ұлттық құндылықтарды дәріптеу және ел болашағына жауапкершілікпен қарау. Бұл мәселелер Мемлекет басшысының еңбектерінде кеңінен қаузалған негізгі тақырыптардың қатарында.

«Әділетті қоғамға - шыншыл сөз» жинағында да осы бағыттармен қатар білім мен жастар саясаты, цифрландыру, экологиялық мәдениет және азаматтық жауапкершілік мәселелері қамтылған. Әсіресе әділетті қоғамды қалыптастыру әр адамның өзінен басталатынына мән беріледі.

Ғазиза Нұрғалиева, ҚР Ұлттық кітапханасының директоры:

«Әділеттілік - қоғамды өркениетке жетелейтін, оның бет-бейнесін айқындайтын басты құндылық» дейді. Әділеттілік деген - өте кең дүние. Әділетті қоғам дейміз. Қоғам әділетті болуы үшін сен ең бірінші өзің әділетті бол. Өзіңе-өзің әділетті бол. Өзіңнің идеяңа, арманыңа әділетті бол. Адам осындай дүниелерді жеке басынан өткізген кезде үлкен дүниелерді түсінеді деп ойлаймын және бұл кітап жастарға өте керек, үстел кітабына айналуы керек.

Автор

Әйгерім Ердәулет

Бөлісу