Зейнетақы жинағын түгел инвестициялық компанияларға салуға болады

Енді зейнетақы қорындағы қаржыны түгел инвестициялық компанияларға салуға болады. Тиісті өзгеріс әлеуметтік кодексіне 7 қыркүйектен бастап енеді. Бұл туралы Бірыңғай зейнетақы қоры мәлімдеді. Енді қазіргідей зейнетақы жинағының 50 пайызын емес, 100 пайызын инвестициялық компанияларға сала аласыз. Ол үшін бірыңғай жинақтаушы зейнетақы қорының бөліміне барып, өтінім жазу керек. Еске салсақ, Инвестициялық компанияны invest.еnpf сайтынан таңдауға болады. Онда елде тіркелген ең ірі 6 компанияның тізімі, олар жылына қанша табыс табады, зейнетақы активтерінің көлемі нақты көрсетілген.